PUWIT

Puwit ng sapatos- maputik

Puwit ng aso- may tae

Puwit ng kawali- sunog

Puwit ng pintuan- maalikabok

Puwit ng manok sa Mang Inasal- sarap papakin

Puwit ng mouse- umiilaw

Puwit ko- may malas na balat

Nag-text sakin yung pinsan kong kasama ko sa inuman. May utang daw ako sa kanyang tatlong daan bayad sa bote at alak na nabasag ko kagabi sa inuman. Puwit ‘nya!

Gutom na ko, inubos ng katulong yung alam na binili ko sa KFC. Puwit ‘nya!

Sinabi ko sa nanay kong may dengue yung anak ng katulong ‘nya kaya pinapadala na dapat sa hospita, kawawa naman daw yung lamok. Puwit ‘nya!

Hindi parin gumagana yung SIMS ko sa facebook hindi ko na na-claim yung mga rewards ko kada 15 minutes. Puwit nila!

Nabasag yung charger ng samsung kong gamit ko ng anim na tao na. Puwit naman!

Binuksan ko yung facebook ‘nya, pangalan ko parin yung password na gamit ‘nya. Puta, puwit ‘nya.

Tangina. Saklap.

HANG-OBER

“PU!@#$%^&*INA! HINDING-HINDI NA ULIT AKO IINOM!”

Pinaka-sikat na linya ng mga taong umuuwing lasing at may hangover tulad ko.

Hindi parin ako nakalusot kagabi sa mga kasama ko kahit nagpapanggap na kong lasing kahit hindi pa naman para makauwi na agad ng maaga. Langya, hindi ako nakalusot. 

Nagising na lang ako sa apartment nung pinsan ko na parang ginagawang sisig ang utak ko. 

Ano na naman kayang kahihiyang hindi ko namatandaan ang ginawa ko kagabi?

Hindi ko matandaan. Basta alam ko kagabi may nabasag pa akong bote nung medyo natumba ko pag-kuha ko ng mineral water. Baka dumugo na naman yung gilagid ko kasi ang sakit ng ngipin ko sa gilagid. Wala na naman akong boses, baka nasobrahan sa hagalpak kagabi at may pasa na naman ako sa hita na hindi ko alam kung saan ko naihampas.

Grabe. Ang hirap bumangon.

ASTIG NA BABAE

Eto ang mg astig na babae para sakin.

Nakita ko lang sa post ni Monik (abakadamachine) yung tungkol sa tunay na lalake kaya gumawa na rin ako nitong ASTIG NA BABAE tutal dito tayo magaling, sa showbiz at pakiki-uso.

Hindi ko gusto yung mga babaeng sobrang kikay at sobrang dami ng arte sa katawan. Mas maganda para sakin yung stigin na babae. Ayoko nung iyakin at lampa. Ayoko nung mga KJ at nasobrahan sa hinhin.

Kaya ito ang mga babaeng astig sa tingin ko.

1. SANYA SMITH- Eto ang astig. Hindi maarte at walang pakialam sa nagiging hindi magandang tingin sa kanya ng ibang babae. Minsan nakasakay ko na ‘sya sa jeep sa Diliman, nagtatagalog at may dalang gitara. Ganito yung gusto ko sanang maging gelpren kung pwede, rakistang sosyal.
2. YENG- Eto kahit hindi na magpa-kyut, kyut parin at astig. Minsan nakipag-talo pa ko sa nanay ko dahil inaaway si yeng sa ASAP dahil OA daw. Cool kaya, ginagawan ‘nya ng kanta kung anong naiisip ‘nya. Astig pa yung mga kanta ‘nya, pang-masang rakenrol.
3. MELAI- Komedyante. Akala nung iba panget si Melai, ang ganda kaya nito! Hindi nakakainip na babae, hindi nakakainis ang pagiging madaldal. Nung lumabas ‘to sa PBB, dun lang ako napilitang gumastos ng load para maka-boto Eto ang komedyanteng Pinay.
4. ANNE CURTIS- Eto naman ang babae na kahit wlang ginagawa, maganda, maganda pero hindi nagmamaldita. Pinansin na nga ‘nya ko minsan sa twitter eh. At ganito ang tunay na astig na babae, hindi lang basta bumibirit ng kanta kahit sintunado, nagpe-perform pa with dance moves!
5. MERCEDES CABRAL- Babaeng nakikita sa mga indie films. Hindi katulad nung ibang babae na pag naghuhubad nagiging porno yung pelikula, si Mercedes kakaiba. Siya ang hinirang na “Most Beautiful Face” sa Cannes Film Fest 2008. Astig. Tapos magmumura pa sa mga pelikula ‘nya, grabe, astig.
6. BIANCA GONZALES- Gusto ko ‘to kasi hindi ‘nya pinipilit kung hindi ‘nya kaya. Ginagawa ‘nya ng maayos kung ano lang yung dapat. Hindi lang madaldal, matalino pa. Dapat sana ganito lahat ng babae eh.

Yun lang. Sila yung mga babaeng gustong-gusto ko. Grabe minsan naiisip ko baka obsessed na ako. Ganyan ang babaeng ma-appeal para sakin.

ANG TUNAY NA CHISMOSA

Ang tunay na chismosa daw ay may nunal sa labi. Kaya hindi sila tumitigil sa pang-iintriga dahil may sumpa sila sa labi. Pero hindi porke walang nunal sa labi ay hindi na chismosa.

—-

Ang tunay na chismosa ay mahilig magbasa ng mga tabloid. Dahil hobby nila at pang-alis stress ang ligayang nakukuha sa pagsasagot ng mga blind items. Sa tabloids din sila kumukuha ng mga ideya sa susunod nilang intriga.

—-

Ang tunay na chismosa daw ay may mahahabang dila. Kung ang biceps ay lumalaki dahil sa exercise, ang dila naman ay humahaba dahil sa mga extra-curricular activities nila.

—-

Ang tunay na chismosa, sa harap ng sari-sari store tumatambay. Dahil andun ang mga nakukuha nilang chismis, intiga at sari-saring blind items.

Bakit gusto ng Pinoy na maging tisay?

Kaninang umaga, gali ako sa SM San Pablo para bumili nung epektib na sleeping pills sakin. May naksabay akong babae. Matangakad, mukha namang mayaman at mabango at morena. Narinig ko kanina na bumibili ‘sya ng glutathione.

Glutathione.

Ang ganda na ‘nya pero naghahanap parin ng pampaputi.

Hindi naman ‘sya magiging mas maganda kung maging tisay ‘sya at kakulay ni Taylor Swift. Pero bakit ang dami paring gustong maging maputi. Kahit bata o matanda, palihim na inaasam na maging maputi. Kahit ako dati, ginusto ko ring maging kakulay ni Jason Mraz.

Pero hindi naman ako umabot sa punto na gumagastos na ko ng libo para makabili ng glutathione. 

Nakakatawa pero nakakalungkot.

Bakit ayaw ng mga Pinoy na manatiling morena at makuntento sa kulay ng balat nila?

Parang si Jinky Oda, sobrang itim pero ngayon, mukha ng espasol sa sobrang puti. Sabi ‘nya sa napanood kong balita, may nag-sponsor lang daw sa kanya at hindi na dapat pang gawan ng isyu dahil kanya-kanya lang namang trip yan.

Pero si mercedes Cabral, siya ang hinirang na “Most Beautiful Face” sa Cannes Film Fest 2008, kung saan natalbugan ng kanyang MORENANG KULAY ang mga International actress tulad nina Natalie Portman, Cate Blanchett, Linda Evangelista, Penelope Cruz, at Salma Hayek. 

Kanya-kanyang trip lang din siguro pati sa kulay na gusto. Pero kung maging mestisa ka man o negra, wala namang mababago sa kahihinatnan mo sa buhay. Pwede ka paring maging accountant, stewardess, doktor, senador o kahit presidente pa kahit na maitim ka pa. 

Wala namang requirement sa kulay natin sa magiging trabaho.

PIZ OP MAYND.

May mga bagay na hindi nakailangan pang ipaliwanag. Dapat lang sadyang sabihin para matapos na.

Hindi na kailangan pang gumawa ng kwento para takpan ang mali.

Hindi na kailangan ng essay na nagpapahaba sa sasabihin para magmukhang kapani-paniwala.

Sabihin lang.

Ito ang tinatawag na PIZ OP MAYND.

Sana ganun din kasimple gawin sa totoong buhay.

Kung may kinaiinisan kang tao, delete lang! Kung may nagawa kang masama, delete lang ulit!

Darating yung professor sa Algebra, block agad!

Nakikipag-kaibigan sayo yung ex mo, ignore lang.

Kaso hindi ko alam, baka i-delete, block at ignore din ako ng ibang tao sa paligid ko.